E’ terminata da poco l’udienza privata nella Sala Clementina del Vaticano che papa Francesco ha riservato ai fedeli astigiani.
Un incontro dal sapore familiare: dopo il saluto del vescovo Marco Prastaro, il Santo Padre ha parlato con affetto della nostra terra e delle sue radici, concentrandosi sull’importanza e il valore della famiglia, che ha appunto origini astigiane, nella sua valenza di dono che guarda alla fratellanza. Ai presenti l’invito a portare i suoi saluti a tutti quelli che non hanno partecipato al pellegrinaggio, ma che rimangono nel suo cuore. Una preghiera che ha coinvolto tutti e poi fuori dal testo ufficiale un richiamo alla poesia di Nino Costa “Rassa nostrana” che ha citato a memoria! Papa Francesco ha poi ricevuto l’onorificenza dell’Ordine di San Secondo di cui è stato insignito e anche la prima copia di un documentario, “A brasa aduerte – L’incontro tanto atteso”, realizzato da Alessio Mattia con il patrocinio della Diocesi e del Comune di Asti, che racconta la visita che Sua Santità ha fatto ad Asti il 19 e 20 novembre scorsi.
Ecco la poesia “Rassa nostrana”, del poeta piemontese Nino Costa che il Santo Padre ha recitato durante l’udienza privata
Aj Piemunteis ch’a travajo fora d’Italia
Drit e sincer, cosa ch’a sun, a smijo:
teste quadre, puls ferm e fìdic san
a parlo poc ma a san cosa ch’a diso
bele ch’a marcio adasi, a van luntan.
Sarajé, müradur e sternighin,
minör e campagnin, sarun e fré:
s’a-j pias gargarisé quaic buta ed vin,
j’é gnün ch’a-j bagna el nas per travajé.
Gent ch’a mercanda nen temp e südur:
– rassa nostrana libera e testarda –
tüt el mund a cunoss ch’i ch’a sun lur
e, quand ch’a passo … tüt el mund a-j guarda:
Biund canavesan cun j’öj colur del cel
robüst e fier parej d’ij so castej.
Muntagnard valdostan daj nerv d’assel,
mascc ed val Süsa dür cume ed martej.
Face dle Langhe, rubie d’alegrìa,
ferlingot desciulà d’ij pian versleis,
e bieleis trafigun pien d’energìa
che per cunossje a-i va set ani e un meis.
Gent ed Cuni: passienta e un poc dasianta
ch’a l’ha le scarpe grosse e el servel fin,
e gent munfrina che, parland, a canta,
ch’a mussa, a fris, a böj … cume ij so vin.
Tüt el Piemunt ch’a va serchesse el pan,
tüt el Piemunt cun sua parlada fiera
che ant le bataje del travaj üman
a ten auta la frunt … e la bandiera.
O biunde ed gran, pianüre dl’Argentina
“fazende” del Brasil perse an campagna
i sente mai passé n’”aria” munfrina
o el riturnel ed na cansun ed muntagna?
Mine dla Fransa, mine dl’Almagna
che el füm a sercia an gir parej ed na frangia,
vujaute i pöle dì s’as lo guadagna,
nost ovrié, cul toc ed pan ch’a mangia.
Quaic volta a turno e ij sold vansà ed bun giüst
a-j rendo un ciabotin o un toc ed tera
e anlura a anlevo le sue fiëte ed süst
e ij fiolastrun ch’a l’han vinciü la guera.
Ma el pi dle volte na stagiun perdüa
o na frev o un malör del so mesté
a j’incioda ant na tumba patanüa
spersa ant un camp-sant foresté.
